Hatreto aloha dia mbola tsy ara-dalàna ny fanamboarana, ny fivarotana ary ny fitaterana ny toaka gasy. Tsy neken’ireo loholona ny tolo-dalàna naroson’ny filoha lefitry ny Antenimierampirenena, Jean Brunelle Razafitsiandraofa momba io toaka gasy io. Ho fitsinjovana ny fahasalamana no antony tsy mbola anekena ity toaka gasy ity ho ara-dalàna, hoy ny loholona Herilaza Imbiki. Ny hahafahana mametraka ny fitsipika hifehy ity vokatra, izay tsy afa-misaraka amin’ny kolontsaina malagasy ary ampiasana Malagasy maro no antony tokony hananana lalàna mifehy azy, hoy kosa ny solombavambahoaka Jean Brunelle Razafitsiandraofa.
Catégorie : Reportages
-
FOMBA FITENY – Aza hadinoina fa ny teny disoina azo ahitsy
https://youtu.be/vt3TJgh7ws4
Matetika mihitsy isika mandiso rehefa miteny. Hoy isika hoe « aza hadino » nefa « aza hadinoina » no tokony ho fiteny azy. Na koa hoe « avoakao » nefa « avoahy » no marina. Mazàna koa isika miteny hoe « itovizana » nefa tsy tokony hisy « z » mihitsy raha ny tena izy. Fanitsiana sy fanazavana.
-
FETE NATIONALE – Cinq minutes de feux d’artifice pour marquer le 61ème anniversaire de l’Indépendance
FETE NATIONALE – Cinq minutes de feux d’artifice pour marquer le 61ème anniversaire de l’Indépendance
-
26 JONA – Mangingina ny tanàna eo am-piandrasana ny matso, vitsivitsy ny tsena mbola nisokatra
Volon’andro fety Antananarivo. Mangingina ny teny afovoan-tanàna. Andro tsy fiasana. Na izany aza, nisy ihany ireo tsena sy toeram-pivarotana nisokatra, nahafahan’ireo tsy mbola nahavita ny tsenany tamin’ny faran’ny herinandro nividy izay mbola azo novidiana.
-
FETIN’NY FAHALEOVANTENA – Mahamasina ora vitsy alohan’ny matso
Vao maraina dia efa maro ireo olona tonga teny Mahamasina namandrika toerana. Tao ireo naniry ny hitsidika ny toerana alohan’ny hanombohan’ny matso fankalazana ny faha-61 taonan’ny fiverenan’ny fahaleovan-tena. Tao ihany koa ireo mpitandro ny filaminana miomankomana hanao matso.
-
Fanamarihana ny fankalazana ny faha-61 taona niverenan’ny Fahaleovan-tena sy ny nahaterahan’ny Foloalindahy.
Fanamarihana ny fankalazana ny faha-61 taona niverenan’ny Fahaleovan-tena sy ny nahaterahan’ny Foloalindahy.
Mivantana avy eny Mahamasina. Sary sy Feo : TVM
https://m.facebook.com/story.php?story_fbid=4046521142083558&id=110141410632992 -
FETIN’NY FAHALEOVAN-TENA – Zoma mahafinaritra alohan’ny « Vainty-Sisy »
Hipoka olona teny amin’ny lalam-baovao, « Rocade-n’Iarivo ». Rakotra olona teny Analakely, teo amin’ny Araben’ny Fahaleovan-tena. Ny teny an-tanàna tsirairay teny moa dia naresaka aoka izany. Efa ela tsy nifety ny Malagasy ka na tsy nisy aza ny « podium » mahazatra nokarakarain’ny fitondram-panjakana dia nivoaka nilanonana ny olona. Tahaka ny hoe nanenjika sy nanonitra ilay fety tsy nisy tamin’ny taon-dasa. Na ny ankizikely na ny tanora na ny olon-dehibe, niaraka nirohotra nivoaka avokoa. Tahaka ny hoe niafina izany ny tsimokaretina coronavirus. Noroahin’ny hazavana mamirapiratra nentin’ny jiro fotsy mena maitso nandravaka an’Antananarivo, noroahin’ny labozia mirehitra anaty harendrina taratasy, noroahin’ny « lazera » maro loko vita sinoa amin’ny endrika maro, noroahin’ny feon-kira « let it go » (« lerigo » hoy ny ankizy) kentsona mihiaka fa « afaka, votsotra » (« libéré, délivré »). Ny zoma mahafinaritra an’Antananarivo talohan’ny « Vainty Sisy » anaty horonan-tsary.
-
FETIN’NY FAHALEOVAN-TENA – Inona no sakafo rehefa Asaramanitra
Inona no laokanareo androany sabotsy 26 Jona ? Laoka gasigasy koa ve ? Ohatra hoe gisa na vorontsiloza ? Sa tena nanao hanim-pitoloha mihitsy ? Dia inona no hamaranana ny sakafo ? Koban-dravina sa godrogodro ? Mizara amintsika ny sakafo fandroson’ny Malagasy rehefa fety sy tonon-taona tahaka izao i Bako Rasoarifetra, mpahay tantara, nianatra manokana momba ny Arkeolojia. Ankoatra ny fomba fahandro ny sakafo, dia resahiny ao anatin’ity horonantsary ity koa ny fomba fizarana ny akoho amam-borona rehefa hihinana amin’izay.
