Miandry ny fankatoavan’ny Governemanta ny tetiandro vaovao ho an’ny fanadinam-panjakana, raha ny nambaran’ny minisitry ny fanabeazam-pirenena sy ny fampianarana tekinika sy arakasa mpisolo toerana, Elia Béatrice Assoumacou. Nanamarika ihany koa ny minisitra fa hiezaka hatrany hampitovy lenta ny mpiadina amin’ny taranja fanatanjahan-tena amin’izao fotoanan’ny fihibohana sy fahamehana ara-pahasalamana izao.
Catégorie : À la une
-
FETIN’NY FAHALEOVAN-TENA – Nisafidy ny tsy hanamboatra harendrina ny mpanamboatra sasany noho ny fisian’ny Covid-19
Efa niomana ny amin’ny tsy hisian’ny fahafahana mitondra harendrina mandehandeha ny mpanamboatra sy mpivarotra ity kilalao ity amin’ity taona ity. Tao ny nisafidy ny tsy hanamboatra intsony. Ao ny mbola manantena fa hisy hividy ihany ny harendrina harehitra eny an-davarangana sy eny an-tokontany.
-
Artesunate, fanafody efa fampiasa iadiana amin’ny ny tazo mahery no anaovana andrana hitsaboana ny Covid-19.
Fanafody avy amin’ny Artemisia, fampiasa amin’ny fitsaboana ny tazo mahery no hanaovana andrana eto Madagasikara hitsaboana ireo marary voan’ny Covid-19. Artesunate no anarany ary atsindrona amin’ny nofo na mivantana amin’ny lalan-dra no hanomezana azy ny marary. Samy andramana ny fiantraikany raha mandeha irery izy na raha ampiarahina amin’ny Vitamine C atsindrona. Mararin’ny Covid-19 manaiky an-tsitrapo sy ankalalahana ny andrana no tsaboina amin’ny Artesunate ary any amin’ny Tanàna Voara no andraisana azy ireo.
-
Nitaky ny mangaraharaha mikasika ilay raharaha vatomamy 8 000 tapitrisa ariary ny loholona
Nanamafy ny filohan’ny foibem-pibaikoana ny ady amin’ny covid 19 sady minisitry ny Atitany, Tianarivelo Razafimahefa, fa tsy nivoaka tamin’ny kitapom-bolam-panjakana velively ilay vola 8000 tapitrisa ariary voalaza fa nividianana vatomamy ho an’ny mpianatra misotro Covid Organics. Na izany na tsy izany anefa, misy ny fanadihadiana ataon’ny inspection générale de l’Etat sy ny birao mahaleo tena miady amin’ny kolikoly na ny Bianco, hoy ny minisitra misahana fanabeazana misolo toerana. Nitaky ny mangarahara sy ny marina rahateo momba iny raharaha iny ny loholona.
-
VAOVAO – MINUTE FLASH 11 JONA 2020
– CORONAVIRUS – Mihoatra ny 1200 ny isan’ireo olona voamarina fa mitondra ny tsimokaretina Coronavirus eto madagasikara
– FANABEAZANA – Misy fanadihadiana mikasika ilay raharaha vatomamy 8000 tapitrisa miainga any anivon’ny Bianco sy any amin’ny Inspection générale de l’Etat hoy ny minisitra
– TRANO MAY – Nirehitra ny tranon’ny orinasa mpanamboatra sigara tetsy Ambohimanambola -
CORONAVIRUS : Déconfinement partiel jour 53
Antananarivo 11 Juin 2020– Mahamasina : 7h45– Ampefiloha : 8h– Ankorondrano : 8h45 -
FAHASALAMANA – Mila hamafisina ny hery fiarovana hiatrehana ny ririnina
Inona avy no fitandremana mila raisina mandritra izao vanim-potoanan’ny ririnina mifanindry amin’ny coronavirus izao ? Omena sakafo ny hoditra tsy ho maina sy makiana, sakafo ara-pahasalamana no hohanina, fadiana ny mihinana sy misotro mahamay loatra, ary tezaina ny vatana. Torohevitra vitsivitsy entin’ny Dokotera Séraphine Feziny.
-
VAOVAO – MINUTE FLASH 10 JONA 2020
– VALANARETINA : Nitombo iray ny isan’ireo maty
– ANTENIMIERAM-PIRENENA : Nahemotra ny fifidianana izay ho solon’ny Thierry Rakotonarivo ao amin’ny CENI
– FITSABOANA NY COVID-19 : Niverina naka CVO teto Madagasikara ny firenena Tsadianina, tsy fantatra na novidiana na natao fanomezana -
TOETRANDRO – Hiakatra ny mari-pana manomboka amin’ny alakamisy
Mbola hamirifiry ny hatsiaka rehefa maraina ato anatin’ny telo andro ho avy. Somary hiakatra kosa anefa ny mari-pana na izany aza, hoy ny avy ao amin’ny famantarana ny toetrandro. Hahatratra 19°C ka hatramin’ny 23°C ny mari-pâna ambony indrindra. 8°C kosa ny ambany indrindra aty afovoan-tany.
-
FIFANDRAISAN-DAVITRA – Gulfsat Madagascar no mpandraharaha faharoa mahazo manome tolotra « fibre optique »
Tsy orinasa tokana intsony no mahazo manao tolotra « fibre optique » ahafahana mahazo Internet haingam-pandeha eto Madagasikara. Efa afaka misehatra eo amin’io tontolo io ankehitriny ny Gulfsat Madagascar raha ny nambaran’ny minisitry ny Paositra sy ny Fifandraisan-davitra ary ny haitao ara-kajy mirindra. Ny hanamorana sy hanatsarana ny tolotra momba ny teknolojia vaovao no antony nandraisana izany fanapahan-kevitra izany, hoy izy.