Tsy niresaka momba ny drafitra fanohanana ny sehatrasa marolafy ny ministry ny Fizahan-tany sy ny fitaterana ary ny famantarana ny toetrandro nandritra ny fihaonany tamin’ny solombavambahoaka. Ny filoham-pirenena ihany no afaka mamaly ny fanontaniana mikasika izany, hoy izy tamin’ireo solombavambahoaka nanontany azy.
Catégorie : Actualité
-
TOAMASINA – Raikitra ny tora bato, nirefotra ny gazy mandatsa dranomaso tao Androranga
Nifandona tao Androranga-Toamasina ny mpitandro ny filaminana sy ireo mponina manodidina io alarobia tolakandro io. Naneho tsy fanekenny ny fihetsiky ny mpitandro ny filaminana tamina lehilahy iray teny an-dalana ireto mponina ka raikitra ny tora-bato. Namaly tamin’ny gazy mandatsa-dranomaso sy tifi-danitra ny mpitandro ny filaminana.
-
VAOVAO – MINUTE FLASH 03 JONA 2020
– CORONAVIRUS : Niampy 63 ireo olona mitondra ny tsimokaretina coronavirus, 10 no sitrana
– FANADINANA CEPE : Tontosa ny fisafidianana ireo laza adina ho an’ireo Cisco eto Analamanga
– FARITRA ATSINANA : Misy fepetra arahina ihany koa momban’ny fivezivezen’ireo olomanan-kaja -
PODCAST – FAMATSIANA – Vary 1400 taonina no tonga ao Tolagnaro hanampiana ny Faritra Anosy
PODCAST – FAMATSIANA – Vary 1400 taonina no tonga ao Tolagnaro hanampiana ny Faritra Anosy hiatrika ny fiakaran’ny vidin’entana
Hanamaivana ny vesatry ateraky ny fiakaran’ny vidin’entana ny any amin’ny Faritra Atsimon’ny Nosy ny fitondram-panjakana, raha ny nambaran’i Lantosoa Rakotomalala, minisitry ny Varotra sy ny Indostria ary ny asatanana tany amin’ny Lapan’ny Antenimieran-doholona ny talata faha-2 Jona. Vary 1400 taonina araka izany no nalefa tany Tolagnaro hiatrehan’ny mponina izay fiakaran’ny vidin’entana izany. -
TOE-KARENA – Nampiato ny asany ny 50%-n’ireo mpandraharaha amin’ny taotrano sy asa vaventy
Manahy ny hahafaty ny orinasa misehatra eo amin’ny tontolon’ny taotrano sy ny asa vaventy ny Sendikan’ireo mpandraharaha eo amin’ny taotrano sy asa vaventy (SEBTP). Ny 50%-n’ny mpikambana ao amin’ity sendika ity no efa nampiato ny asany hatreto.
-
TSENA – Iharan’ny sazy ireo mpivarotra tsy manaja ny fepetra ara-pahasalamana eny amin’ny tsena
Fikatonana hatramin’ny iray volana no azon’ny mpivarotra eny amin’ny tsena ankalamanjana raha tsy manaraka ny fepetra ara-pahasalamana voafaritra izy ireo. Niverina nisokatra tamin’ity herinandro ity ny tsena eny ankalamanjana isan-kerinandro raha nikatona efa ho roa volana izay. -
PODCAST – FOTO-DRAFITRASA : Hisy fahatarana ny fanamboaran-dàlana izay efa natomboka
Hisy fahatarana ny asa fanamboaran-dalana efa natomboka, toy ny any amin’ny lalam-pirenena faha-6 sy ny lalam-pirenena faha-13, hoy i Hajo Andrianainarivelo, minisitry ny Fanajariana ny tany sy ny asa vaventy, nandritra ny fihaonan’ny mpikambana ao amin’ny governemanta sy ny loholona teny Anosikely, ny talata faha-2 Jona. Nilaza izy fa miankina amin’ny famatsiam-bola avy any ivelany ny fanatanterahana izany asa rehetra izany.
-
CORONAVIRUS : Déconfinement partiel jour 47
– Mahamasina : 7h45
– Antananarenina : 8h
– Behoririka : 8h15
– Ankorondrano : 8h30 -
PODCAST – KIANJAN’NY MASOANDRO : Azo atao tsara ny manorina foto-drafitrasa eo anivon’ny toerana manan-tantara
Nandritra ny fihaonan’ny mpikambana ao amin’ny governemanta niaraka tamin’ny antenimieran-doholona ny talata 02 jona, dia nanambara i Lalatiana Rakotondrazafy Andriatongarivo, fa azo atao tsara ny manorina foto-drafitrasa eo anivon’ny toerana manan-tantara hoy i Lalatiana Rakotondrazafy Andriatongarivo. Voarakitra ao anatin’ny “charte d’Athène” izany lalàna izany hoy izy.
-
TETI-BOLAN’NY GOVERNORA : Hasondrotra dimy lavitrisa ariary
Ao anatin’ny drafitry ny ministeran’ny Atitany sy ny fitsinjaram-pahefana ny fampiakarana ny teti-bolan’ireo governoran’ny faritra ho 5000 tapitrisa ariary ho an’ity taona ity. Mampametra-panontaniana ireo solombavambahoaka maromaro izany satria mbola tsy voafidy ireo governora miasa ankehitriny ary hanano sarotra ny fanaraha-maso izany vola izany.