Fifidianana ben’ny tanàna – Ny alin’ny alarobia nanatanterahana ny fifidianana ihany dia efa tonga teny amin’ny SRMV eny Mahamasina ireo antontan-taratasim-pifidianana na « plis éléctoraux » avy amin’ireo biraom-pifidianana rehetra manerana ny kaominina Antananarivo Renivohitra, Atsimondrano ary Avaradrano.
Nilamina ny fifidianana amin’ny ankapobeny raha ny nambaran’ny filohan’ny komity mahaleotena mikarakara fifidianana, Yves Heriniaina Rakotomanana, na dia teo aza ireo tsy fahatomombanana vitsivitsy.
