Catégorie : Opinions

Raha ny tabatabam-pifalian’ny olona avy nijery baolina no mari-drefy, dia sambatra tanteraka ny Gasy. Tsara fiafara ity volana Jona 2019, iray volan’ny Teny Malagasy ity, fa mifanojo amin’ny Gasy manandriana ny azy.

Zava-bita tsy an’ny mpanao politika no sady tsy an’ny mpitondra fivavahana, ireo roaloha tena mpivarotra saka be loha teto, nandritra izay enimpolo taona izay (fa efa 1959 mantsy no nanomboka fa tsy niandry 26 jona 1960).

Ry Mahaleo nahavita nahafeno trano dimy andro misesy tao amin’ny Roxy, nampifaly raiamandreny sy zanaka hatramin’ny zafikely nifangaro, no hitako manakaiky. Ny zava-kanton’ny Mpihira izato, na mpihira izatsy, anefa mety mbola mampizara fa ity zava-bitan’ny mpilalao kitra ity no toa mampiray volo bangoina tokana ny Malagasy.

Ny Malagasy mantsy, hatramin’izay ka hatramin’izao, tsy ilaozan’ny hoe «Izahay» vao «Isika». Sivifolo minitra aty aoriana, Madagasikara 2 Nigeria 0 : «Isika» avokoa aloha. Raha mpitantara baolina fotsiny aho dia nijanona hatreo. Fa raha hitarafana ny fiaraha-monina eto dia tsy maintsy arahina fanontaniana hoe «Hatramin’ny rahoviana ?»

Fotoanan’izany ve izao ? Efa maro loatra ny ngidy iainan’ny Malagasy andavanandro. Efa an-taona maro loatra no sahiran-dava. Efa be loatra ny alahelo noho ny fandeferana manana ny marina, fandeferana tompony anefa mangataka atiny, fandeferana ho valalan’amboa.

Raha tsy te hanontany ny ho avy, tsy ilaina marina tokoa izany ahiahy izany. Faly aloha, faly fotsiny, faly izao dia izao. Izaho, Ianao, Isika : ho hita eo ny manaraka, atrehina rehefa tonga ny fotoana, fa aleo aloha mba tsy sambasambaina izao andro iray toa zato izao.

Ny mpitondra Fivavahana sy ny mpivarotra sampy isan-karazany moa tsy dia ahoako, satria safidy manokana ny resaka finoana. Fa ny mpanao politika no tsara mandini-tena. Inona no zava-bitan’ireo mpilalaon’i Madagasikara any amin’ny CAN ka tsy hainareo mpanao politika mihitsy hatrizay ? Tsy tsipy vola, tsy fafy harena, tsy fampanantenana paradisa, anefa dia miray fo ny olona. Zavatra tsotra ihany, anefa sarotra raha tsy entina amim-pitiavana sy am-pahatsorana : Fifaliana iarahana mamerina hambom-po.

Imoron-tevana hivarina mihitsy ny firenena. Maro ny antony voatanisa (krizy ara-toe-karena, fahantrana isan-tokantrano, «fanjakan’ny madinika», sns) fa ny tena fahalovana dia ny nanaovana tsinontsinona ny «Fitaizana Olom-pirenena» efa ho 45 taona izao. Samy resy lahatra fa ny famerenana izany Fitaizana izany ifotony, amin’ny zaza madinika isam-pianakaviana sy any an-tsekoly, no hany hivoahan’i Madagasikara amin’izao hady mandifotr’olona izao.

Mizara Loha-hevitra maro izany «Fitaizana Olom-pirenena» izany. Tantara. Teny. Fomba. Madagasikara. Olona. Asa. Fambolena. Fiompiana. Sakafo. Varotra. Indostria. Tany. Tontolo. Biby. Zavaboary. Fiaraha-monina. Didy aman-dalàna.

Boky maro sahaza ny isan-taonam-pampianarana vao mahenika izany. Ny androany, taridresaka tokana no arosoko ho ohatra. Ny «Fiandrianampirenena» : Madagasikara imason’ny fianakaviambe iraisam-pirenena, Madagasikara imason’ny vahoaka Malagasy, «Madagasikara ho an’ny Malagasy, Malagasy kosa ho an’i Madagasikara» arak’ilay hiran’i Ludger Andrianjaka. Faharoa azo heverina manaraka : «Fiaraha-Monina» : ny fahafahanao tsy hanelingelina ny fahafahan’ny hafa, ny fahafahana miteraka andraikitra, ny fahafahana ananana adidy.

Raha izaho tokoa no mampiana-janaka, tahaka izao ohatra no tiako ho saininy, heveriny, ho fakafakainy, hiainany, hampitainy.

Lohahevitra Ampianarina : FIANDRIANAMPIRENENA

Toko 1 : Firenena sy Olom-pirenena

Ry Tanindrazanay Malala ô
Ny Saina Fotsy-Mena-Maitso
Madagasikara, Nosy midadasika
Malagasy, Foko valoambinifolo
Teny malagasy, fototra indonesiana iray
Ny Repoblika sy ny Fanjakan’Andriana
Ny Fanjakana tokana sy ny Fanjakana federaly
Ny Latsa-bato sy ny Demokrasia
Ny Hetra sy ny tambiny
Ny Fahefana sy ny Vahoaka
Ny Fananam-bahoaka
Mpiasam-Panjakana

Voambolana dinihina : Tanindrazana, Firenena, Tenin-dReny, Tenin-dRazana, Tenim-Pirenena

Toko 2 : Vanim-potoana Fiverenan’ny Fahaleovantena

26 jona 1960 : Fanambarana imasom-bahoaka ny Fahaleovantena
14 oktobra 1958 : Fanambarana ny Repoblika
Aprily 1957 : Fifidianana isaky ny Antenimieram-paritany
1956-1957 : Rafitra tokana sa Rafitra federaly
23 jona 1956 : Loi-Cadre

Toko 3 : Vanim-potoana Fanoherana ny Fanjanahantany

3.1 : Teto Madagasikara

29 marsa 1947 : Inona marina no nitranga ?
4 oktobra 1948 : Fanamelohana ho faty ireo Solombavambahoaka MDRM
1915-1916 : Raharaha Vy Vato Sakelika (Ravelojaona, Ny Avana, sns)
1896-1897 : Menalamba, Rabezavana, Rabozaka, Toera, sns.
15 oktobra 1896 : Fitifirana an-dRainandriamampandry sy Ratsimamanga

3.2 Sehatra Iraisam-pirenena

25 aprily 1955 : Mifarana ny Fivoriambe Asia-Afrika tany Bandoeng (Indonesia)
7 mey 1954 : Ady tao Dien Bien Phu, resin’ny Vietnamiana ny Frantsay
6 marsa 1946 : Neken’ny Frantsay ny Fahaleovantenan’ny Vietnam
1939-1945 : Lefy Great-Britaina sy Frantsa : akon’ny Ady Lehibe tamin’ny Fanjanahantany
Ohatra dinihina manokana : Ethiopia
Ohatra dinihina manokana : Japana

Toko 4 : Madagasikara talohan’ny Fanjanahantany

4.1 Ny tsangambato rehareha iombonana
4.2 Ny madilana mbola tsy marimaritra iraisana
4.3 Tantara Malagasy sy/sa Tantara isam-Poko ?
4.4 Voambolana dinihina : Karazana, Fokonolona, Foko
4.5 Daty dinihina : 23 oktobra 1817, 30 septambra 1895, 6 aogositra 1896

Tsy Mahamasina no tery, fa ny olona no kely loha. Na ho atao iray kilometatra aza ny haben’ny vavahady, rehefa tsy mahay mifanaja, raha mbola tsy manaiky milahatra, raha mbola tsy mahavita miandry tantana, tsy atao hahagaga raha mifanosika sy mifanitsaka ho faty.

Mahamenatra sady mampalahelo. Sivy amby dimampolo taona niverenan’ny Fahaleovantena, milahatra aza tsy hain’ny Gasy. Asa, izay eritreritry ny Filohan’ny Rwanda nanatri-maso tetsy Mahamasina : izao ve sisa ilay Madagasikara nanana Fanjakana nandefa ambasadaoro tany Londres, Paris, Washington, Berlin, raha mbola fokofoko niady an-trano ny tany Afrika ?

Tsy Antananarivo no kely, fa ny mponina mivangongo eto no betsaka loatra. Ary ny ankamaroany tsy mahay velively izany hoe fiainana an-tanan-dehibe sy an-dRenivohitra izany : 2019, mbola lava-piringy ; 2019, mbola posy sy sarety taritin’olombelona ; 2019, mbola amidy amin’ny tany ny hanin-ko-hanina…

Jereo ny sary tamin’ny andron’ny Fanjanahantany : ampitahao amin’ny zava-misy ankehitriny. Nadiodio sy nilamindamina ery ny tanàna tamin’izany. Enimpolo taona aty aoriana lasa fisoko ilay Antananarivo : fako, tay, amany, lelo, rehoka, rora, izany no lalovan’ny faladia raha tsy mitandrina.

Tsy Mahamasina no tery fa ny Sekoly no tsy ampy. Sekoly tokony handetehana an-tsain’ny tsirairay ny fomba amam-panao hahafahana mbola miaraka monina. Zavatra faran’izay tsotra izany mbola vao tsy ela akory, saingy very ny fahalalam-pomba, simba ny toe-tsaina. Tsy fahantrana ara-bola ihany no hita ankehitriny, fa fahantrana ara-tsaina indrindra indrindra.

Tany amin’ny efapolo taona lasa tany ho any, mbola tsy nisy taxibe teto. Mbola autobus no fitateram-bahoaka ary ny zavatra nampiavaka azy ireny dia ilay soratra tsotra hoe «toerana voatokana». Voatokana ho an’ny Zokiolona, voatokana ho an’ny bevohoka, voatokana ho an’ny mitaiza kely. Izay sendra tafapetraka tamin’izany toerana izany dia nahalala fomba nitsangana avy hatrany raha vao miditra ny autobus ny ray aman-dreny na izay mitondra vohoka.

Izany fihetsika tsotra izany no simba sy very, tsy hain’ny «Génération taxibe» : mifanaja, tsy misisitsisika, tsy misongontsongona. Tsy mifanitsa-kitro ho faty etsy Mahamasina.

Ny «Mihady Volamena» ? Mampatsiahy ny zava-bita very tadidy anefa toa tsy dia mahamenatra. Karazan’izany itony «Mamalan-kira» navoakako tamin’ny gazety L’Express de Madagascar itony, efa tamin’ny 6 janoary 2017 : «Vodihena an-dapa, solom-pen’akoho isan-trano».

Nahoana sy iza no afaka «Mihady Volamena» ? Ny «Manan-ko Tantaraina». Nanan-ko Tantaraina ny olona iray, na Foko iray, raha mba nahavita soa : ohatra, tamin’ny razan’ny Andriamanjaka am-perin’asa, ka mba mitaky ny «voa-tsi-manadino» satria matetika moa ririnin-dasa tsy tsaroana ny «voa-mahatsiahy». Nanan-ko tantaraina tokoa isika, roa na telo taona lasa izay, nikasika ity sakafo eny amin’ny Lapam-panjakan’Iavoloha ity.

Fitia tsy te hanan-dratsy, saingy ny sasany no «tsy hita anarina, tsy hay atoro». Nanahirana ny mpitondra nifanesy io sakafobe eny Iavoloha io. Nanahirana, satria toa naneso ny fahantran’ny vahoaka ao ivelan’ny Lapa. Nanahirana, satria nahasadaikatra ny tafaray mifangaro amin’ny olona tsy mahalala fomba. Nanahirana tokoa satria raha voninahitra ny miaka-dapa, lasa nahamenatra ny tazana nisehoseho teny. Saingy, Filohan’ny Repoblika moa no manasa, ka sarotra no hiavonavona.

Ankehitriny, rehefa hita ny lesoka farany tamin’ny sakafobe mbola nanasana olona maro loatra teny Iavoloha, taorian’ny fandraisam-pahefana tetsy Mahamasina, dia tapaka fa foanana tsotra izao ny sakafobe hanasana olona an’arivony.

Izay no teny fampidirana, lalana tsy maintsy nolalovana, vavahady tsy maintsy nidirana. Ho anao mpamaky, tadidio fa efa tamin’ny roa taona lasa no nosoratana izao manaraka izao.

FANASANA ENY AMIN’NY LAPAM-PANJAKANA. Andafiavaratra tamin’ny voalohandohan’ny Repoblika malagasy. Ambohitsorohitra mandra-pahavitan’ny lapa vaovao tetsy Iavoloha (mbola mora no mahatadidy ilay takelaka vita tamin’ny béton armé, somary nihoatra kely ny fidirana ankehitriny, ary nitondra ny soratra hoe «Mavoloha»).

Rehefa tratran’ny aretina, dedaka handefa mivantana sy manontolo ny lanonana ny mpitondra sy ny tandapa, no nahitan’izao tontolo izao ny fomba mahamenatra nanomboka naharatsy laza ny sakafo teny an-dapam-panjakana. Tratra tamin’izany ny vahiny maro manao am-paosy na an-karona ny sakafo atolotra : asa raha mbola aza atao hoe «manan-kaja» rehefa mivary lavo mampiseho toetra toy ireny.

Raha tsy isan’ny firenena mahantra indrindra manerana izao tontolo izao i Madagasikara, inoana marimarina fa tsy ho nisy fanafintohinana ny fifanatrehana eny Iavoloha. Saingy, indrindra fa alefa mivantana sy manontolo ny fotoana, asa angaha hamenoana ny banga amin’ny fandaharan’ny TVM (televiziona malagasy), dia miharihary loatra ny hantsana misy amin’ny lanonana eny Iavoloha sy ny andavanandron’ny vahoaka sasany : fianakaviana manontolo tsy manan-kialofana, raiamandreny mitsindroka fako, ankizikely mibaby zazamenavava mpangataka an-dalambe.

Raha ny rariny tokoa mantsy, tsy misy mpitondra tokony handihy sy hitotorebika raha mbola tsy nahavita ny vahoaka entina. Indrindra raha sendra ny tandapa tsy mahalala ny atao hoe hena-maso fa mainka mampivandravandra isaky ny hantenain-kanirina. Mihajahaja sy maotimaotina izany ny lanonana amin’ny firenena ataontsika ohatra ary raisintsika tahaka : Amerika na Eoropa andrefana. Tsy fantatra intsony raha ny demokrasia no niteraka izany fahatsorana izany, na ny fahatsorana no namaharan’ny demokrasia.

Ny fanasana an-dapa dia tsy hoe zava-baovao noforonina hatramin’ny 1960, 1975 na 2013. Fahiny, hatramin’ny faran’ny «Andro gasy», ny fotoana makotroka indrindra dia ny Fandroana. Tsy izao tontolo izao akory no tafiditra ny tokotanin’ny Rova, na nampandrosoina tao ambany rihan’i Manjakamiadana. Ny lehibe isan-tokony no manotrona mivantana ny Andriamanjaka, ary izay vahoaka tratra antso miadry eo Andohalo. Hatraiza hatraiza, hatrizay hatrizay, tsy mbola nisy izany hoe «fitovian-tsaranga» izany, fa ny fifampitondrana no nokajiana hatrany, mba tsy handratra ny teny, mba tsy handatsa ny fihetsika. Isam-bohitra, izay tompom-bodivona na tompomenakely na loholona amin’ny Menabe, dia mamono ny omby ho nofon-kena mitam-pihavanana.

Ity farany ity angamba no tsara heverina tsara amin’ny fifampiarahabana taom-baovao tahaka izao. Ny hivahiny an-dapa mantsy anie, efa voninahitra rahateo, fa sanatria ka tsy hameno kibo na hiboboka toaka no anton-dia eny. Ny vodihena tsy vaky raha tsy an-dapa, hoy ny fiteny taloha. Ka ny solom-pen’akoho ho an’ny vahoaka indray no tokony heverina.

Fa mety hihena ny fandaniana raha atao intelo miantaona ny fifampiarahabana ara-panjakana. Fifampiarahabana voalohany miaraka amin’ny andrim-panjakana sy ny olom-boafidy. Fifampiarahabana faharoa miaraka amin’ny masoivoho vahiny. Fifampiarahabana fahatelo miaraka amin’ny fiaraha-monim-pirenena (société civile). Fa ny olona asaina no mety tsy ho zatra : ny Jeneraly mba te hiresaka amin’ny Tale Jeneralin’orinasa, ny Sehatry ny Fananantany mba te hitafa amin’ny Ministra, ny Mpiasam-panjakana ambony mba te hanatsafa ny Masoivoho…

Ny hoe hanafoana tsotra izao fotsiny aloha dia sarotra heverina. Fa ny fandaminana no tsara dinihina, ary indrindra ny fandaniana tafahoatra no tsy maintsy ajanona. Tsy ny tany mantsy no fady fa ny vavam-bahoaka.

Le précédent régime, entre autres gâchis, avait échoué à gérer intelligemment le scandale qu’était devenu le double banquet d’Iavoloha, au Nouvel An et à l’anniversaire du retour de l’Indépendance.

Ce ne fut pas faute de leur avoir suggéré «quelques aménagements dans l’approche même de l’événement. En résumé : faire mieux en faisant moins. Moins de dépenses, moins de convives, moins de publicité». Las, comme en tant d’autres sujets, le Président et son entourage étaient restés aveugles aux manifestations d’hostilité et sourds aux suggestions de cercles secondaires qui n’étaient pas leur tour d’ivoire. Pathologie psychologique et intellectuelle de nombre de gouvernants de par le monde.

Dans les colonnes du vieux «Madagascar Matin», celui des années 1970, j’avais pu retrouver des photos prises lors de «Fifampiarahabana», au palais d’Andafiavaratra à l’époque du général Ramanantsoa (1972-1975) et à l’Hôtel de Ville quand Richard Andriamanjato était Maire d’Antananarivo. Le somptuaire de cette époque nous apparaît bien austère. Cinquante ans plus tard, c’est cette austérité que l’opinion réclame dans le somptuaire d’une société qui n’a pas les moyens de son appétit.

Cette année 2019, alors que le banquet du 26 juin est donc annulé, tirant la moralité ultime du banquet organisé après l’investiture du nouveau Président de la République, je partage une vieille Chronique de VANF, parue dans le quotidien L’Express de Madagascar, le 4 janvier 2016.

Pour la suppression de toutes les dépenses somptuaires dont n’a pas les moyens un État classé parmi les 48 PMA (pays les moins avancés) et un des 36 pays éligibles à l’IPPTE (initiative en faveur des pays pauvres très endettés).

Tandis que sa voisine l’île Maurice lorgne sur la catégorie des économies émergentes, Madagascar régresse dans le quart-monde : PIB par habitant réduit à la portion congrue, déperdition scolaire, économie dépendante du cours défavorable de matières premières sans valeur ajoutée. Ceux des Mauriciens, qui avaient pratiqué le Madagascar des années 1960, ne cessent de s’étonner de l’épave que notre pays est devenu : infrastructures en ruines, population prolétarisée, paysage urbain bidonvillisé.

Au fil des ans, la grand-messe de Iavoloha est devenue une curée de toutes les indignités. L’image date d’il y a une vingtaine d’années, mais l’opinion publique a gardé définitivement en mémoire la caricature de ces invités indélicats pillant le buffet, pour glisser les victuailles dans des sachets plastique et ramener de quoi festoyer à la maison. Toute honte bue, même pas subrepticement, mais au vu et au su d’un protocole dépassé. Ce n’est certainement pas l’idée qu’on se fait d’un garden-party présidentiel.

Plusieurs générations de ministres, de députés, de dirigeants de sociétés d’État, ont successivement failli, tandis que le carton d’invitation au palais d’Iavoloha (ou d’Ambohitsorohitra) passe tout de même comme une espèce de reconnaissance sociale. C’est donc pour le moins paradoxal que la République reconnaissante distingue ceux qui l’ont mise dans ce triste état.

Inviter des milliers de convives à Iavoloha n’est pas une obligation constitutionnelle. Cette petite tradition avait été lancée à l’époque de Didier Ratsiraka, premier Président de la République malgache à bénéficier d’une arrière-cour d’une certaine importance avec les jardins d’Ambohitsorohitra. Il n’y aurait aucun scandale à ce qu’un Président de 2016, prenant compte de la réalité de son pays et du quotidien de sa population, mette fin à ce qui devient un abcès de fixation.

Si les routes n’étaient pas parsemées de nids-de-poule, si l’électricité de la Jirama ne court-circuitait pas désagréablement, si Air Madagascar n’était pas devenu un sujet de dérision, si les ordures étaient ramassées, si le trafic du bois de rose était sous contrôle, si l’insécurité n’avait pas atteint le paroxysme de ce double kidnapping suivi d’assassinat, si les forces de l’ordre n’étaient pas soupçonnées d’être impliquées, si la justice elle-même était au-dessus de tout soupçon, etc., alors, oui, l’opinion publique aurait compris que le Président de la République fasse bombance à ses frais avec le corps diplomatique et les corps constitués.

*Jacques Prévert

«Ny Mpanjaka ny Madagascar hitandrina ny fitondram-panjakany amy ny ati-tany, manerana ny Nosy manontolo, toraky ny tamy ny lasa» : ara-bakiteny ny Toko faha Roambinifolo ny Fanekena tamin’ny Frantsa sy Madagasikara ny 17 desambra 1885.

Zava-dehibe no fonosin’io teny noheverina fa tsotra io : «TORAKY NY TAMIN’NY LASA». Midika izany fa, na inona na inona nolazain’ny Frantsay mikasika ny hoe «Droits historiques» noho ny nananganan’i Colbert ny «Compagnie française des Indes orientales» tamin’ny 1664 (nanarakaraka ny «Compagnie anglaise», 1600, ary ny «Compagnie hollandaise», 1602), sy ny nipetrahan-dry Pronis nodimbiasan’i Flacourt tao Fort-Dauphin (Faradofay, Taolagnaro) dia nanaiky ry zareo fa nisy Fanjakana teratany teto izay tsy maintsy nifampiraharahana.

Ny «Tamin’ny Lasa» eto dia ny Fanekena teo amin’i Robert Farquhar, amin’ny anaran’i Great Britain sy Radama Voalohany nisalotra ny anarana hoe «Mpanjakan’i Madagasikara». Vao roa taona lasa izay no tonga teto Madagasikara ny Printsesy Anne, zanakavavin’ny Mpanjaka anglisy, nanamarika tamin’ny fomba ofisialy ny faha-roanjato taonan’io Fanekena tamin’ny 23 oktobra 1817 io.

Ny «Tamin’ny Lasa» dia ireo fifanarahana misesy voasonia niaraka tamin’ny firenen-dehibe rehefa nivahiny tany Washington (Etazonia) na Berlin (Alemaina) ny iraka nentin’i Ravoninahitriniarivo, Ministry ny Raharaham-bahiny tamin’ny taona 1882-1883.

Raha feno zato taona io Fanekena, 12 marsa 1883, teo amin’ny Amerika sy Madagasikara io dia ny fitondrana amerikana no nampanao bokikely ho tsangambato. Ary ny faha-135 taonan’ny fanekena, 15 mey 1883, tamin’i Madagasikara sy Alemaina dia nomarihina vao tamin’ny taon-dasa : fampirantiana narahina valan-dresaka samihafa.

Raha tsy nisy avokoa izany «Tamin’ny Lasa» rehetra izany, tsy ho tonga teo Mahamasina ny Jeneraly de Gaulle ka nanao ilay kabary tsaroan’ny Tantara iny, ny 22 aogositra 1958. Sady nibanjina an’i Manjakamiadana izy no nanome toky : «Rahampitso, hiverina ny Fanjakanareo, tahaka izay nisiany fony mbola nipetrahan’ny Mpanjakanareo io Lapany ery ambony ery io».

Ny 16 oktobra nanaraka io, novoriana tao amin’ny Lycée Gallieni Andohalo ny Kongresin’ny Antenimieram-paritany. Ireo no nandatsa-bato hanao an’i Madagasikara ho Repoblika : 208 nisafidy Eny, 26 tsy nitonona. Ny ampitso, tonga niakatra teny ny Haut-Commissaire frantsay André Soucadaux nitondra ny tenin’ny Governemanta frantsay : «Ambarako ny faneken’ny Governemantan’ny Repoblika frantsay ny hitsanganan’ny Fanjakana malagasy ary ny maha-foana ny Lalàna tamin’ny 6 aogositra 1896».

Noho izay «Tamin’ny Lasa» izay ihany no niara-nanambaran’ny Filoha frantsay Emmanuel Macron sy ny Filoha malagasy Andry Rajoelina, vao tamin’ny 29 mey 2019 teo, fa fiverenam-piandrianana ny andron’ny 26 jiona.

Efa nisy Fanjakana talohan’ny 26 jiona 1960. Efa nisy Fanjakana talohan’ny 6 aogositra 1896. Tsy nitrebona tamin’ny vato izany Fanjakana izany, na dia tsy lavorary aza, na dia be kilema aza, eny fa na dia tsy nahenika tanteraka an’i Madagasikara manontolo aza, ka mahatonga ny Foko sasany milaza fa Fanjakana Merina no tena nisy teto.

Dans son livre, «Neuf ans à Madagascar» (Hachette, 1908, pp.27-28), le général Gallieni est sévère concernant les dernières années de ce qu’il nomme dédaigneusement «la cour d’Emyrne». Son inventaire à la Prévert sonne comme un réquisitoire : les incapables successeurs d’Andrianampoinimerina et de Radama I (…) Une tyrannie sans contrôle et sans frein se substitua à l’autorité forte, mais raisonnable des premiers rois (…) un pseudo-gouvernement, sans foi ni lois, où tout était livré au désordre, aux exactions, à l’anarchie (…) l’impôt, une main-mise arbitraire sur les biens des particuliers (…) les travaux publics, des corvées au seul profit des nobles et des riches (…) aucune route dans un intérêt général (…) une façade dépourvue de toute organisation intérieure sérieuse (…).

La seule réussite que Gallieni reconnaît à la «cour d’Emyrne», pour aussitôt regretter que l’Occident en ait pu être dupe, c’est «une diplomatie astucieuse» : «Cependant, ainsi qu’il arrive souvent chez les Orientaux, une diplomatie astucieuse et sans scrupule avait réussi aux yeux des étrangers à masquer les misères de la situation intérieure. Les nations civilisées conservaient ainsi l’illusion que Madagascar possédait un gouvernement digne de ce nom, et ce mot sonore : « la cour d’Emyrne » éveillait en Europe et ailleurs l’idée d’une puissance lointaine, solidement assise et organisée. Les correspondances de Napoléon III vers 1860 témoignent que le Gouvernement français traitait avec les souverains de Tananarive dans les mêmes formes qu’avec les autres chefs d’État. À la même époque, l’impératrice Eugénie écrit personnellement à Rasoherina et l’entretient «de la haute mission que Dieu a confiée aux rois et de l’œuvre grandiose qu’elle peut et doit accomplir à l’aide du pouvoir immense qu’elle détient ». Vingt-cinq ans plus tard, pendant la période de tension qui précéda la guerre de 1883-1885, une ambassade du Gouvernement hova, conduite par Ravoninahitriniarivo, ministre des Affaires étrangères, fut reçue solennellement par les chefs d’État des plus grandes puissances, en France, en Angleterre, en Allemagne, aux États-Unis, et passa avec eux des traités en règle».

Mais, justement, n’était-ce pas en vertu de cette «diplomatie astucieuse», ces «mêmes formes qu’avec les autres chefs d’État», ces «traités en règle», que le général de Gaulle prononça sa phrase du 22 août 1958 ? Depuis Mahamasina, et avisant la colline de Manjakamiadana, l’homme de Bayeux (cf. 16 juin 1946) avait proclamé : «Demain, vous serez de nouveau un État, comme vous l’étiez, quand ce palais de vos rois, là-haut, était habité par eux».

Le 14 octobre 1958, réuni au Lycée Gallieni, le Congrès des assemblées provinciales votait, par 208 voix et 26 abstentions, le sort de Madagascar : «État libre, sous la forme républicaine». Le lendemain, le Haut-Commissaire André Soucadaux s’adressait à ce Congrès : «Autorisé par le Gouvernement de la République, je prends acte en son nom du vote intervenu le 14 octobre 1958. Je proclame en son nom que le Gouvernement de la République reconnait solennellement l’institution de l’État malgache, la caducité de la loi (d’annexion) du 6 août 1896».

C’est grâce à cette vieille «diplomatie astucieuse» que «la cour d’Emyrne» avait su arracher à la «République» l’article 12 du traité du 17 décembre 1885 reconnaissant sa souveraineté «COMME PAR LE PASSÉ».

C’est encore grâce à cette vieille «diplomatie astucieuse» que la Princesse royale d’Angleterre est venue à Madagascar commémorer le bicentenaire du traité du 23 octobre 1817. Que le centenaire du traité américano-malgache du 12 mars 1883 avait été marqué par la publication d’un livret édité par les soins de l’Agence d’information des États-Unis. Et qu’à l’occasion des 135 ans du traité germano-malgache du 15 mai 1883, l’ambassadeur d’Allemagne souligna que ce traité avec Madagascar avait été le premier conclu par l’Allemagne en Afrique (sic).

En vertu de ces «traités en règle», le 26 juin 1960 est clairement un retour de l’indépendance de Madagascar. Certains objecteront que la souveraineté de la «cour d’Emyrne» n’a jamais concerné certaines tribus de Madagascar : il est vrai, lors des débats parlementaires du 25 février 1886, en vue de l’approbation du traité du 17 décembre 1885, des députés français avaient soulevé la «protection des Sakalava et des Antakarana» en vertu de traités avec eux datant des années 1841 et 1845.

Résurgence contemporaine de cette vieille «diplomatie astucieuse» également quand le président français Emmanuel Macron et le président malgache Andry Rajoelina, lors de leur conférence de presse conjointe du 29 mai 2019, au palais de l’Élysée, ont évoqué le 26 juin comme l’anniversaire du retour de l’indépendance de Madagascar.

Oui, il y avait «quelque chose» avant le 26 juin 1960. Oui, il y avait «quelque chose» avant le 6 août 1896. Non, l’État malgache n’est pas une génération spontanée. Fiction diplomatique, demi-vérité historique ou réelle succession d’États, voilà une chaîne qui nous vient du passé et tend vers l’avenir.