Étiquette : Minute flash

-SOLIKA – Mamporisika ireo mpanjifa sendra ny solika tsy manara-penitra hitory eny amin’ny manampahefana ny Ofisy malagasy momba ny akoranafo

-FIRENENA MIKAMBANA – Nanisy tsindrim-peo momba ireo ezaka vita sy ireo vina ho kasaina ny Filohan’ny Repoblika nandritra ny fandraisam-pitenenany tamin’ny fivoriambe faha 77-n’ny Firenena Mikambana izay atao any New York

-BAOLINA KITRA – Betsaka ny tsara azo notsoahina tamin’ny lalao nihaonan’ny Barea sy ny Lion’ny Atlas Maraokana izay notontosaina ny alarobia 21 Septambra tany Maraoka, hoy ny mpanazatra Nicolas Dupuis

-JONO – Tsy ilana fahazoan-dalana ny fitondrana mivezivezy ny hazandrano milanja latsaka ny 10 kilao.

-FIARAHA-MIASA – Nilaza ho nahazo toky ny amin’ny fanohanana tekinika avy amin’ny FMI ny fitondram-panjakana amin’ny fanatanterahana ny PEM

-BAOLINA KITRA – Tsy ho tonga hitarika ny Barea latsaka ny 23 taona amin’ny lalao roa hihaonany amin’ny Pirates seychellois ny mpanazatra Boualem Mankour

-FIZAHANTANY – Maimaim-poana ny saran’ny taratasy fahazoan-dalana mivahiny eto Madagasikara latsaka ny 15 andro, araka ny nambaran’ny ministeran’ny Fizahantany

-ASA – Miisa eo amin’ny telo tapitrisa ny orinasa tsy manara-drafitra eto Madagasikara

-VALAN’ARETINA – Tranga vaovao 8 no voamarina fa mararin’ny Covid-19 teo anelanelan’ny 10 ka hatramin’ny 16 Septambra.

– FIZAHANTANY : An-jatony ny famandrihana nofoanan’ny mpizaha tany tato anatin’ny folo volana mahery tany amin’ny faritra Vatovavy sy Fitovinany noho ny tsy fiasan’ny zotra an-dalamby Fianarantsoa Manakara

– FANABEAZANA : Hisolo tena ny mpianatra Malagasy any New York mandritra ny fihaonana antampony momba ny fanavaozana ny fanabeazana i Nambinintsoa Alfa Narcisse.

– TSENA : Hampidirina ao anatin’ny tsenan’Anosy ireo mpanao “décodage” sy mpanakalo volamena ao Analakely, hoy ny kaominin’Antananarivo Renivohitra.

– BAOLINA KITRA : Ny talata 20 Septambra no higadona eto Madagasikara ireo mpilalao mpila ravinahitra ka mandrafitra ny Barea U23, efa miatrika ny fampivondronana kosa ireo mpilalao avy eto an-toerana.

– FITSARANA : Tsy misy resaka politika ny fantanterahana ny hetsika fanaovana kopia faobe hoy ny minisitrin’ny fitsarana.

– VAROTRA – Tsy famerana vidin’entana farany ambony fa famaritana vidin’entana fampitahana no hapetraky ny minisitera misahana ny Varotra

– FAMATSIAM-BOLA IVELANY : Nankatoavin’ny Tahirim-bola iraisam-pirenena ny famoahana ny ampahany fahatelo amin’ny fanampiana izay omeny ao anatin’ny programa FEC izay mitentina 31,9 tapitrisa dolara

– BAOLINA KITRA – Niainga androany talata hamonjy an’i Eswatini ny ekipan’ny CFFA Andoharanofotsy, higadona eto Madagasikara androany kosa ny Elgeco Plus.

– VALANARETINA COVID-19 – Olona 14 hafa no voamarina fa mitondra ny tsimokaretina coronavirus teo anelanelan’ny 3 ka hatramin’ny 9 Septambra araka ny tatitra navoakan’ny minisiteran’ny Fahasalamam-bahoaka omaly alahady

– FITATERANA – Olona 14 no namoy ny ainy taorian’ny fifandonan’ny fifandonan’ny sambo haingam-pandeha Fenofano sy ny botry Mazava II omaly Alahady hariva

– TONTOLO IAINANA – Miisa 1 amin’ny 1000 ny tahan’ny fahafatesan’ny trozona eto Madagasikara, hoy ny ministeran’ny Jono sy ny toekarena manga

-FOTODRAFITRASA – Hanomboka tsy ho ela ny fanamboarana ny lalana mampitohy an’Antsohihy sy Andapa, hoy ny filohan’ny Repoblika

-RANOMASINA – Nanokatra fanadihadihana ara-tsiansa ny ministeran’ny Jono sy ny toekarena manga mba hamantarana ny antony nahafaty ireo trozona hatramin’izao fotoana izao.

-FANATANJAHAN-TENA – Lavon’ny ekipa Aostralianina tamin’ny isa 48 no ho 0 ny Ladies makis teo amin’ny lalao am-pahavalon-dalana amin’ny fiadiana ny tompon-daka eran-tany amin’ny baolina lavalava mpilalao fito