Étiquette : Minute flash

FITATERANA – Nifanaraka amin’ny saran-dalana tokana 700 ariary ny fivondronan’ireo mpitatitra eto an-drenivohitra

HARENA AN-DRANOMASINA – Vola mitentina 1.169.000 dolara no ho arotsaky ny orinasa Japan Tuna ato anatin’ny roa taona ho tamberim-bidin’ny lamatra alainy anaty fari-dranomasin’i Madagasikara

– FANADINAM-PANJAKANA – Niakatra ny taham-pahafahana BEPC manerana ny Nosy ho an’ny taona 2022 raha oharina amin’ny vokatra tamin’ny taon-dasa, hoy ny minisiteran’ny Fanabeazam-pirenena

– FIAKARAN’NY VIDIM-PIAINANA – Miantso ny fifanohanana manoloana ny ady sarotra ara-toekarena sy ara-tsosialy lalovan’ny vahoaka amin’izao fotoana izao ny Fivondronan’ny Fiangonana kristianina

– BAOLINA KITRA – Voantso hanatevina ny Barea amin’ny lalao hifanandrinana amin’i Seychelles amin’ny fifanintsanana hiadiana ny tompondakan’i Afrika CHAN 2023, i Nina sy i Dax ary i Berajo.

– FITATERANA – Milaza ny hampiditra am-balam-pamonjana sy hisintona ny taratasy fahazoan-dalana miasa an’ireo fiara fitateram-bahoaka mbola mampihatra ny saran-dalana 800 ariary manomboka ny zoma izao ny Kaominina Antananarivo Renivohitra

– VALANARETINA – 606 ireo mararin’ny Covid-19 manaraka fitsaboana, ka 9 amin’ireo anaty tranga fahasarotana.

– FANADINAM-PANJAKANA- Miisa 192.435 ireo mpiadina niatrika ny fanadinana bakalorea nanomboka androany alatsinainy.

– FITATERAM-BAHOAKA – 800 ariary no saran-dalana nofaritan’ireo kaoperativa mikambana ao amin’ny vondrona FMA

– FIRAISAN-KINA – Mbola manentana an’i Madagasikara hanohana azy amin’ny firaisan-kinany amin’i Iokrainina ny firenena frantsay

– FANABEAZANA – Mahatratra 62,57 isan-jato ny taham-pahafahana BEPC ho an’ny faritra Analamanga, fa 56,30 isan-jato kosa ho an’Antananarivo Renivohitra.

– SOLIKA – Mety ho niakatra hatramin’ny 1.200 miliara ariary ny trosan’ny mpamatsy solika amin’i Madagasikara amin’ny faran’ny taona raha toa tsy nampiakarina ny vidiny

– TEKNOLOJIA – Haloan’ny mpivarotra ao amin’ny Pochard Soarano amin’ny alalan’ny karatra nomerika manomboka izao ny haban-tsena 500 ariary

– VAROTRA IVELANY – Maherin’ny 3.000 taonina ny lavanila naondran ‘i Madagasikara tamin’ny taona 2021-2022, izay mitentina tsy latsaky ny 770 tapitrisa dolara

FITATERANA – Tsy mitovy hevitra ny mpitatitra eto Antananarivo Renivohitra ny amin’ny tokony ho tahan’ny fiakaran’ny saran-dalana

TOE-KARENA – Ampahafantarina eny amin’ny Tokotaniben’ny Lapan’ny Tanàna Analakely, Parvis, ny andraikitra, sy ny asa ary ny tolotra eo anivon’ny Tahirimbolam-panjakana malagasy

BAOLINA KITRA – Resin’ny ekipan’i Namibie tamin’ny isa roa noho aotra ny Barean’i Madagasikara ka nihintsana tamin’ny fiadiana ny Amboaran’ny Fivondronan’ireo Federasion’ny baolina kitra aty amin’ny faritra atsimon’i Afrika

– VALANARETINA – Roa no maty ary 311 ny tranga vaovaon’ny covid-19 ny 2 hatramin’ny 8 Jolay 2022.

– FITATERANA – Nampiakatra saran-dalana avy hatrany 4 000ar hatramin’ny 20 000ar ireo zotram-pitaterana nasionaly taorian’ny fampiakarana ny vidin’ny solika.

– MARI-PANKASITRAHANA – Mpiara-miasa 70 mahery avy ao amin’ny Inviso Group no nahazo mari-boninahitra ho fankasitrahana ny asa vitany sy ny faharetany teo amin’ny vondron’ny orinasa

– BAOLINA KITRA – Nihazo an’i Afrika Atsimo omaly alahady sy androany alatsinainy ny Barea hiatrika ny Cosafa Cup

VAOVAO MINUTE FLASH – 07 JOLAY 2022

FANKASITRAHANA – Mpiara-miasa ara-miaramila frantsay miisa sivy no notolorana ny medalin’ny fiarovam-pirenena avy amin’ny ministeran’ny Fiarovam-pirenena

FITATERANA – Milaza ny hampiakatra ny saran-dalany ihany koa ireo mpitatitra amin’ny zotra nasionaly raha vao miakatra ny vidin’ny solika

COSAFA CUP – Mpilalao avy amin’ny CFFA ny fito amin’ireo mpilalao nantsoin’i Romuald Rakotondrabe na Roro handrafitra ny Barea hiatrika ny Cosafa Cup